طريقة تحضير خبز الطوست

السلام عليكم و رحمة الله

نصف
كيلو فورص +50ج زبدة مدابة + م.ك سكر + ملح + م.ك خميرة + حليب دافئ على
حساب الدقيق وتجمعي كلشي بالحليب دافي ودلكيها مزياان ميقلت على 10 د
وتخليها تخمر 30 دقيقة وطلقيها بالمدلك وتروليها بحال البكيط وتعمليها في
قالب يكون مدهون بالزبدة ومرشوش بالطحين او مغلف بورق اليمينيوم تم دهنيه
بالزبدة حاولي تكرصيها بيدك في القالب باش تجي متساوية سدي عبيها وخليها
تخمر واحد ساعة او اقل راها غادا تباليك طلعات تا الغراقة ومن بعد دخليها
الفران سخون ونقصي عليه وخليها طيب باش تعرفيها طابت تكيها بالقطيب الى خرج
ناشف راها طابت ومتزوليهاش من القالب حتى تبرد واحد 15 دقيقة على الاقل
باش يرجع عليها الصهد ويجي فتي وملي تقطعيها قطعيها بموس منشار
ملاحضة :
بالنسبة للغلاقة ديال القالب دهنيها من الداخل بالزبدة باش ملي تطلع
العجين متلسقشي فيها راكلشي موضح في الصور وبصحة والراحة

مشكور أخي الكريم